«АУҒАНСТАН – ЖҮРЕКТЕГІ ЖАРА»

Отанға деген патриоттық сүйіспеншілігін қалыптастыру, өз тарихына қызығушылығын арттыру, Отанға және Қарулы Күштерге деген сүйіспеншілік пен туған жерін, елін шексіз сүюге тәрбиелеу мақсатында 2023 жылдың 13 ақпанында Ауған жерінен Кеңес әскерінің шығарылғанына 34 жыл толуына орай «АУҒАНСТАН – ЖҮРЕКТЕГІ ЖАРА» атты шарада ардагерлермен кездесу ұйымдастырылды.

Кездесуге Ауған соғысында қаза болған мектебіміздің түлектері Редель Виктор мен Гусак Валерийдің майдандас достары: Красюков Михаил Геннадьевич, Рябинин Владимир Юрьевич, Абдрахманов Даулет Накыпович, Молдыбаев Мейрам Турсынович,  ұстаздары  Храменкова Нина Михайловна мен Котельникова Валентина Георгиевна және Редель Виктордың туған әпкесі Редель Нина Викторовна шақырылды.

Қонақтар майдан шебіне қалай жолдама алып, қандай оқиғаларды бастан кешкенін оқушыларға айтып берді. Нина Викторовна балалық шақтағы естеліктерімен бөліссе, ұстаздары жауынгерлердің мектеп қабырғасындағы қызықты кезеңдері жайлы айтып өтті.

Кездесудің соңы мектеп оқушыларының  ардагерлерге арнаған әндерімен, жатқа  оқыған өлеңдерімен жалғасын тапты.