«АУҒАН АСУЫНДА ОТ КЕШКЕНДЕР»

Оқушылардың батырларға деген адамгершілік сезімін дамыту мақсатында  2023 жылдың 13 ақпанында Ауған жерінен Кеңес әскерінің шығарылғанына 34 жыл толуына орай сол соғыста қаза тапқан №65 ЖББ мектептің түлектері Гусак Валерий Владимирович пен Редель Виктор Викторовичтың құрметіне «Ауған асуында от кешкендер» естелік стендінің ашылуы салтанаты өтті.

Бұл шараға сарбаздардың майдандас достары, соғыс ардагерлері,  Редель Виктордың туған әпкесі, мектептің ардагер ұстаздары шақырылды. Келген қонақтар қаза тапқан батырлар туралы естеліктерімен бөлісіп, майдан шебіндегі сәттерден шолу жасап қайтты.