17 наурыз күні Наурыз мерекесі қарсаңында 2-3 сыныптар арасында Абай Құнанбаевтың «Жыл мезгілдері» өлеңдерін мәнерлеп оқу сайысы өткізілді. Мақсаты: Абай Құнанбаевтың өмірі мен шығармашылығы жайлы мағлұмат бере отырып, талантты ақынның ақындық талантын шәкірт жүрегіне ұялату арқылы мәнерлеп жатқа айтуға, поэзияны сүюге, оны бағалай білуге, оқу дағдысын жетілдіре отырып, рухани танымын кеңейту. Оқушылар сайыста өнерлерін баққа сынап, ең жүйрік үміткерлер I, II, III орынды иеленді. Қалған үміткерлер белсене қатысқаны үшін алғыс хатпен марапатталды. Абай барлық қазақ халқының мақтанышы ғана емес, ар-ұятты, ұлттық намысы. Абай шыққан биік, Абай байлаған тұңғиық қазақ халқының шыққан шыңы, ой түбіне сүңгіген тереңі. Бүгінгі сайыс келесі сайысқа бастар жол іспеттес болып, оқушылардың жүрегіне зор үміт ұялатты. 

Жауапты мұғалімдер: қазақ тілі мен әдебиеті мұғалімдері Масалимова Г.А., Назарова Л.М., Джуркабаева Н.Т., Омарова Ж.А.