Наурыз мерекесін ұлттық салт-дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін насихаттау мақсатында 17 наурыз 2022 ж. мектебімізде "Наурыз - мерекем, наурыз - берекем" атты мерекелік іс-шара өтті.
Наурыз батасын алып, мектеп директоры Нұрбол Даригуловичтің құттықтау сөзінен кейін ортаға шыққан 4 жұп сайыс түрінде өз өнерлерін ортаға салды. Жас ұстаздардан құралған жұптар сайыс кезеңдерінде ұлттық салт-дәстүрлерімізді, жоралғыларымызды көрсетсе, мектебіміздің оқушылары құйқылжыта күй шертіп, тамылжыта ән айтып, мың бұрала би билеп, өз өнерлерін көпшілікке паш етті.
Салт-дәстүрдің ел арасындағы тәлімдік, тәрбиелік, халықтық мәні зор. Салт-дәстүр байлығы — мәдениеттің байлығы. Тұсау кесер, сырға салу, беташар, құда болып, төс қағыстыру, құйрық бауыр жегізу т.б. тойлардың көрінісін әсем жеткізген жұптар кеш соңында марапатталып, жүлделі орындарды иеленді.
Наурыз мейрамы құтты болсын!
Наурыз – іргесі сөгілмес бірліктің берекесі, ырысы төгілмес тірліктің мерекесі.
Жақсылықтың жаршысы, жаңа жылдың бастауы – Наурыз мейрамы туған жер топырағына құт - береке әкелсін!
Еліміз тыныш, туған жеріміз аман болып, әрбір жаңа күн әр отбасына шат көңіл, бақыт және береке сыйласын!
Ұлыс оң болсын, ақ мол болсын!
Авторство:
