8-сынып оқушыларымен "Наурыз" мейрамын мерекелеуге арналған жұмыс жоспарына сәйкес "Қарты бар үйдің қазынасы бар" атты тақырыпта ардагер ақсақалмен кездесу өткізілді. Қонағымыз 40 жыл мектепте қызмет атқарған, құрметті-ұстаз Мукумов Мәжит Мұқымұлы жақсы бір әңгіменің ұйтқысы болды. Атаның келіні Айнұр апай да кездесу барысында "Наурыз" мейрамы кезіндегі дастарқанды әзірлеуге қатысты әңгімеге араласып отырғанын айта кеткен жөн. Оқушылар да мейрамға дайындаған  өлеңдерін оқып, әндерін айтып, ұлттық ойындар көрсетіліп, әсем күй де шырқалды. Шара соңында  Мәжит ақсақал балаларға  бата беріп, естелік суретке түстік. Кездесу сағатының балаларға берері мол болды. 8"В" сыныбының жетекшісі: Абишева Лаззат Жоланбаевна.