Елімізде латын әліпбиіне көшу мәселесі қызу талқыланып жатқаны бәрімізге белгілі. "Латын әліпбиіне көшу-қазақ тілін дамыту мен жаңғыртудағы ішкі қажеттілік" - деген Елбасының сөзін бәріміз де санамызбен түсінеміз. Рухани жаңғыру- бұл төл әдебиетімізді, мәдениетімізді жаңғырту, ұлттық сананы ояту. Барлық озық технологияның тіліне айналған латын әліпбиіне көшу- еліміз үшін, өнеріміз бен мәдениетіміз үшін үлкен рухани құбылыс. Елбасы өзінің "Болашаққа бағдар: рухани жаңғыру"мақаласында бұл мәселені таяу жылдардағы негізгі міндеттердің бірі деп бекітті. Әлемдік өркениет көшінен қалмай, қазақ тілінің халықаралық дәрежеге көтерілуін қаласақ, латын қарпін қолданысқа енгізудің мәні орасан.Латын графикасы арқылы таңбаланған қазақ әліпбиі мен жазуы қазақ елін осы биіктерге бастайтынына кәміл сенеміз!

Қазақ тілі мен әдебиеті пәнінің мұғалімі Мукышева Мейрамгул Кенесбековна