Қаржы әлеміне аттанайық

22 ақпан күні облысымыздың барлық білім беру ұйымдарында «Қаржы әлемі» қаржылық сауаттылық апталығы бастау алады.

Бұл функционалдық сауаттылық апталығының мақсаты: білім алушылардың қаржылық мәдениеті мен жеке қаржыны тиімді басқару дағдыларын қалыптастыру.

Апталық барысында сынып сағаттары, облыстық «ЭКОНОМ и К» олимпиадасы, «Бизнес START» олимпиадасы, стартап жобаларының байқаулары, «Менің отбасымның бюджеті» атты эссе байқауы, жоғарғы оқу орындарына, қаржы мекемелеріне саяхаттар, кәсіпкерлермен кездесулер, бизнес туралы фильмдер көру, танымдық, іскерлік және квест ойындары, суреттер көрмесі, конференциялар өткізілетін болады.

Барлық педагогтер мен оқушыларды, ата-аналарды, әлеуметтік серіктестерді, "Атамекен" кәсіпкерлер палатасының өкілдерін қаржылық сауаттылық апталығының өткізілуіне белсене қатысуға шақырамыз.