Ұлттың сақталуына да, жоғалуына да себеп болатын нәрсенің ең қуаттысы – тіл. Сөзі жоғалған жұрттың өзі де жоғалады, өз ұлтына басқа жұртты қосамын дегендер әуелі сол жұрттың тілін аздыруға тырысады.

Ахмет Байтұрсынұлы

Ана тілінің қадір-қасиетін біле білген халқымыз оны ұлттың рухына, қазына байлығына балайды. Адамды мұратқа жеткізетін – ана тілі мен ата дәстүрі, болашағы. Тіл – халықпен бірге өмір сүріп дамиды, әр ұлттың тілі – оның бақыты мен тірегі. Тіл – ел тәуелсіздігінің басты белгісі, егемендігінің көрінісі. Қандай құдіретті ұлт болмасын, «тілі жоғалған халықтың өзі де жоғалады».

Біздің осындай халықтық қасиетті мұрамыз, ана тіліміз – қазақ тілі.  

Ана сүтімен бойымызға дарыған, ғасырлар бойы атадан мұра болып қалған құнды жәдігеріміз, ана тіліміз, еліміз тәрізді еркіндікке ұмтылған тәуелсіз және өзіндік ерекшелігі бар тіл екені бәріне мәлім.

  Қазіргі таңда қоғамның өзекті мәселесі - әліпбидің латынға ауысуы. Бұл біздің қазақ тіліміздің тарихында маңызды рөл атқаратын кезең.

Қазақ жазуы - қазақ тілінің әріп таңбалaрынан тұратын жазу жүйесі. 1940 жылдан қазіpгі қолданыстағы кирилицаға негізделгeн әліпби қолданылуда. Қазіргі кездe мемлекетіміз лaтын әліпбиінe көшуге қызу дайындық үстінде.

Латын әліпбиіне көшу ұлт болашағы үшін жасалған маңызды шешімдердің бірі. Еліміздің бірінші байлығы – жері, екіншісі – тілі, үшіншісі – оның тарихы.

Б. Момышұлының "Анамыздың ақ сүтімен бойымызға дарыған тілімізді ұмыту - бүкіл ата - бабамызды, тарихымызды ұмыту", М. Жұмабайұлының “Ұлтқа тілінен қымбат нәрсе болмақ емес, бір ұлттың тілінде сол ұлттың сыры, тарихы, тұрмыс тіршілігі, мінезі айқын көрініп тұрады” – деген сөздері бар.

Тіл – ата-бабамыздың ұрпаққа қалдырған аманаты, бүгінгі күннің абыройы, ертеңгі күннің кепілі.

Тіл тағдыры – ел тағдыры екенін ешуақытта ұмытпайық.

Әрбір адам өз ана тілін білуге және мемлекеттік тілін меңгеруге міндетті.

 «Өнер – ұлттың жаны» дейді дана халқымыз. Әрбір ел өнерімен, мәдениетімен даңқты, ғұмырлы.

Тәуелсіздік тұғырынан түспеген айбынды елімізде қазақ тілі жасасын!

Жауапты мұғалім: Толендина И.Б.