Латын әліпбиіне көшу-рухани жаңғыру талабы

Бүгінгі күн тәртібіне қойылған ең өзекті,тағдыршешті мәселенің бірі- қазақ тілін Латын әліпбиіне көшіру. Тарихи тамыры терең тұғырлы тілімізді түлетіп,санамызды сілкінткен, заманның  өзі талап еткен бұл бастама көпшіліктің қызу талқысына түсті. Елбасымыз өз Жолдауында  « Біз 2025 жылдан бастап әліпбиімізді латын қаріпіне көшіруге кірісуіміз керек. Жас ұрпақтың болашағы үшін осындай шешім қабылдауға тиіспіз және бұл әлеммен бірлесе түсуімізге, балаларымыздың ағылшын тілі мен интернет тілін жетік игеруіне,ең бастысы- қазақ тілін жаңғыртуға жағдай туғызады», деп  атап айтқан болатын.Еліміздің Латын әліпбиіне көшуі болашағымыз үшін әлдеқайда маңызды.Бейбіт заман орнап,тәуелсіз мемлекетіміз жылдан-жылға өсіп-өркендеп, отандық ғылым-білім  саласы дамып келе жатқандығы жанды жадыратады. Осындай тамаша кезеңде  латын  әліпбиіне көшсек, ешқандай қиындық тудырмайды деп ойлаймын. Білім қуған жастар шет тілдерін меңгеріп, шетелдерде білім алуда. Латын әліпбиі шет тіліне ұқсас болғандықтан, көп кешікпей сәнге айналады деген пікірдемін. Осы тұрғыдан алғанда Латын әліпбиіне көшуден қорқудың еш негізі жоқ деп санаймын. Бұл қадамға бару болашақ үшін маңызды екеніне сенемін!

Қазақ тілі мен әдебиеті мұғалімі Асқат Ш.Е