Ұстаз болу – жүректің батырлығы,

Ұстаз болу – сезімнің ақындығы

Ұстаз болу – мінездің күн шуағы,

Азбайтұғын адамның алтындығы – деп ақын Ғ.Қайырбеков жырлағандай,  біздің мектептің мұғалімдері де, оқушылары да «Мұғалімдер күнін» атап өтті. Cебебі бұл күн басқа күндерге қарағанда өзгеше.

Бірінші кезеңнің сабақтары біткеннен кейін,  оқушылар  еш шаршаусыз ендігі кезекте өздеріңнің сүйікті ұстаздарына жылы лебізбен концерттік бағдарлама ұсынды. Концерт бағдарламасы барысында оқушылар тек мектебіміздің қазіргі ұстаздарын ғана емес, зейнеткер ұстаздарды, сондай-ақ ардагерұстаздардың қуаныштарына ортақтасып, құттықтап атап өтті. Мұғалімдерді мақтау қағаздарымен марапаттап, шын жүректен шағын сыйлықтар тарту етті. Сонымен концерттік бағдарлама  Сыздыкова Жасдауренніңорындауындағы «Балдәурен» әнімен аяқталды. Бұл мереке барлық мұғалімдер мен оқушылардың көңілінен шықты.