Құрметті оқушылар,жас түлектер, ұстаздар,ата-аналар. Сіздерді соңғы қоңырау мерекесімен шын жүректен құттықтаймын!

Бүгін барлық қазақстандық түлектер үшін мектеппен қоштасуға арналған атаулы мереке өтуі қажет болғанымен,Елімізде белең алған жағдайға байланысты 1-10 сыныпқа арналған соңғы қоңырау онлайн режимінде өткізілді.
Әр мектепте соңғы қоңырау мерекесі – бұл мектеп тарихына енетін көңілді әрі қуанышты оқиға.
Түлектер өздерінің он бір жыл білім алған алтын ұяларымен қоштасса, ұстаздар өздерінің сүйікті шәкірттерін өмірге қанаттандырады.  Барша жас түлектерді алда үлкен сын күтіп тұр. Барлықтарыңа Ұлттық Бірыңғай тестілеуден абыроймен өтіп, Қазақстанымыздың білікті маманы атануларыңа тілектеспін. Ал мектептегі алғашқы жылдарын сәтті аяқтап, бірінші сыныптан екіншіге аяқ басқан жас бүлдіршіндер мен барлық мектеп оқушыларына жазғы демалыстарын жақсы өткізіп, күш жинап, жайдары көңіл күймен жаңа оқу жылына оралуларыңызға тілектеспін. Еліміздің болашағы – Сіздердің қолдарыңызда. Сондықтан да қай кезде де терең білім алу   жолында жалықпай, талмай   ізденіп, ел тізгінін ұстайтын азамат болуларыңызға ізгі тілегімді арнаймын.Бұл күрделі жағдайды бәріміз бірге еңсереміз деп сенемін! Халқымыз аман, жұртымыз тыныш болсын! Біз біргеміз!