5 қыркүйек ҚР халықтарының Тілдері күнін атап өтуге орай мектепішілік бірнеше игі шаралар ұйымдастырылды. Мерекені ашу мақсатында:  «Тіл –татулық тірегі» атты саптық жиынмен бастадық. Мектеп оқушылары мен ұстаздарды мерекемен құттықтап, оқушылар өткізілетін шаралармен  таныстырылды. Сонымен қатар мектебіміздің 1-қабатында  мерекеге арналған ақпараттық стенд орналастырылды. Өткізілген әр шараға қатысты нәтижелері айқындалып, мадақтамалармен марапатталатын болады.

Саптық жиын «Қазақстан-көп ұлтты мемлекет», «Халықтарды біріктірген мемлекет» атты тақырыптардағы үш тілде ұйымдастырылған сынып сағаттарымен жалғасты.

Мектебіміздің бастауыш сынып оқушылары «Тілім-байлығым!» атты тақырыпта викториналық ойындар өткізді. Аталған іс-шара өте жоғары деңгейде ұйымдастырылды.

Сондай-ақ, 4-7- сынып оқушыларымен «Қазақтың ұлы тұлғалары» атты тақырыпта  сауаттылық сағаты, диктанттар байқауы өткізілді. 

Мектебіміздің 8-11-сынып оқушыларымен эсселер байқауы ұйымдастырылды. Жоғары сынып оқушылары ұсынылған тақырыптар бойынша  жазба жұмысын орындады. Нәтижесінде үздік эссе анықталатын болады.