Осыдан 23 жыл бұрын, 1989 жылдың 15 ақпанында, геосаяси кордонға айналған Ауғанстаннан 10 жыл соғысудан көз ашпаған КСРО әскері шығарылды.

      Осы оқиғаға  орай Қарағанды қаласы, Октябрь ауданы № 65 орта мектебінің 6 «Г» сынып оқушылары ауған соғысының ардагері – жерлесіміз Мейрембаев Мухаметқалий Уметбаевичпен  кездесті.

     Мейрембаев Мухаметқалий Уметбаевич  Қарағанды  облысы Қарқаралы ауданы (бұрынғы Талды ), Киргизия совхозында 10.07.1966 жылы дүниеге келген. 1985-1987 жылдары әскери қызметін 51931 әскери бөлімінде Ауғанстанның Термез қаласында, кейін  61436 әскери бөлімде Герат қаласында атқарған.

      Мухаметқалий Уметбаевич  әскери қызмет атқарған кезінде

  «За боевые заслуги» медалімен, «Воину-интернационалисту» мақтау қағазымен, «Қазақстан Республикасының Тәуелсіздігіне 20 жыл» медалімен марапатталған.

      Кездесуде  Ауған соғысы туралы шағын бейнематериал көрсетілді.

      Мухаметқалий Уметбаевич өзінің әскери қызмет атқарған кезіндегі оқиғаларды еске ала отырып,  әскери жолдастарымен кездесіп тұратыны жайында әңгімеледі. Ардагер өзімен ала келген  «Боздақтар» атты кітапты оқушылар назарына ұсынды. Бұл кітапта Қарағанды облысының Ауған соғысында қаза болған жауынгерлер жайында мәліметтер жазылған.

     Ардагердің әңгімесін ұйып тыңдаған оқушылар өздерінің сұрақтарын қойды  және  мәнерлеп  өлең  оқыды.

    Кездесудің соңында ардагер жас жеткіншектерге  Отанымыздың адал патриоттары болуларына тілек білдірді.

Өткізген: орыс тілі және әдебиет

 пәнінің мұғалімі Макулбаева Ж.К.