Бүгін, 06.03.2019ж. мектепте  «Ұлы даланың жеті қыры» аясында «Әр ауылдың  болады бәйтерегі» атты  ақындармен  кездесу кеші  ұйымдастырылды.  Ақындармен кеш  өткізудегі басты себеп – мектеп  оқушыларының арман –мақсатын айқындауға септігін тигізу. Сөз  өнерінің қыр –сырымен  таныстыру, айтыстың құралы – поэзия десек, сол поэзияның  шыңы – көркемдікке баулу,  музыканың маңызын ұқтыру. Кездесу кешінің  басты кейіпкерлері ұлы даланың нағыз рухани өнері – айтыс өнерінің  өкілдері,  республикаға кеңінен танымал, құрметті ақын –азаматтар - Айтбай Ботпайұлы Жұмағұлов; Әділов Тілеген Елеусізбайұлы және жас ақын  Ерік Нарын болды.Оқушылармен  сұхбаттасып, сұрақ –жауаптар алынды. Кеш барысында мектебіміздің әнші –оқушылары Жиенбаев  Алтынбек  Аманжоловтың «Өзім  туралы» әнін домбыраға қосылып шырқаса,  Асия Дәулетхан халық әні «Беу, айдайды» шырқады. Кеш  қонағы Ерден Жұматайұлы халық  әні «Маржан  қызды» нақышына келтіре шырқады. Ақындар арнауларын арнады,  өлеңдерін  оқыды. Мекткп басшысы Кунедилов ақындарға алғыс айтып, осындай шаралар ұрпақ тәрбиесіне берері мол деп атап өтті.