Ауған соғысының ардагерімен кездесу

      Бүгін, яғни 13 ақпан күні Қарағанды қаласының №65 ЖББ ОМ-нің 8 «А» сынып оқушылары сынып жетекшісі Туякова Алма Қабылдақызымен  «Жастар» балалар- жасөспірімдер клубының жетекшісі Жұманбаева Назым Съезбекқызының ұйымдастыруымен  өткізілген іс-шараға қатысты. Кеңес әскерлерінің Ауған жерінен шығарылғанына 30 жыл толуына байланысты өткізілген «Ауған соғысының іздері» тақырыбында  өткізілген шара жоғары деңгейде өтті. Кездесуге тәжік-ауған соғысының және Әскери қақтығыстардың қатысушыларының Республикалық қоғамдық бірлестігі Қарағанды облысы бойынша төраға орынбасары Мусалиманов Талғат Құсайынұлы өзінің отты жылдардағы естеліктерімен бөлісті. Оқушыларға патриоттық, маңызды сұхбат беріп, рухани азықтандырды. Қатысқан оқушылар өзара пікір алысып,  тұшымды жауаптар алып, Талғат Құсайынұлына  алғыстарын білдірді.