09 ақпан күні мектебімізде «1 сынып оқушыларының мектеп өміріне бейімделу үрдісі» тақырыбында педагогикалық кеңес өтті. Пед.кеңеске мектеп директоры, әкімшілік, мектеп психологы, бастауыш сынып мұғалімдері мен пән мұғалімдері қатысты. Бірінші болып сөз кезегін алған директордың оқу ісі жөніндегі орынбасары Г.Масалимова оқушылардың жалпы ортаға, мектепке бейімделуі жайлы кеңінен мағлұмат берді. Екінші кезекте мектеп психологы 1 сынып оқушыларымен жүргізген сауалнамасының қорытындысы жайлы айтып, оқушылардың жалпы бейімделуі жайлы тоқталып өтті. Өз кезегінде 1 сыныптың сынып жетекшілері мен пән мұғалімдері сынып оқушыларының сабақтағы жетістіктері мен сыныпқа бейімделулері туралы сыныптың толық әлеуметтік жағдайын баяндап шықты.  Кеңес барысында мұғалімдер оқушылардың мектеп өміріне бейімделу үрдісінде туған қиындықтар мен олардың алдын-алу жайы туралы постер толтырып, аудитория алдында қорғады. «Идеялар қоржынында» берілген тапсырмаларға да ұтымды жауаптар қайтарып, өз ойларын ортаға салды.