Дефиле. СӘН-2019

Бүгін  мектепте ерекше сән үлгісі көрсетілді. Мұнда көйлектер әдеттегідей матадан емес, қоқысқа тасталатын тұрмыстық қалдықтардан тігілген.    Ерекше сән үлгісін ұйымдастырған - жергілікті мектеп оқушылары. Компакт-дискілер, қолқапшықтар, пластикалық шөлмектер мен газет қиындыларынан сан түрлі көйлек, костюм тігіп шығарған оқушылар ізденістерін осылайша көпшілік назарына ұсынуды жөн көріпті. Жалпы, қатысушылардың жас шамасына шектеу қойылмаған. Ұйымдастырушылар осылайша өскелең ұрпақты табиғатты бүлдірмеуге жастайынан тәрбиелеуді көздеп, әдетте қоқысқа тасталатын елеусіз бұйымдарды кәдеге жаратуға  үйретпекші.