Жасөспірімдердің  бос уақытты  тиімді  ұйымдастыруы болашақ үшін пайдалы және  ол арқылы өздерінің қоғамдағы орнын табуға  негіз болады. Еліміздің болашағы, әрине, ол -  бүгінгі жас жеткіншектер.

Заманымыздың заңғар жазушысы Мұхтар  Әуезов «Ел боламын десең, бесігіңді түзе» деген нақыл сөзінің мәні тереңде жатыр. Яғни, болашақ тізгінінің ұстары, елінің ертеңі, халқының үмітін ақтайтын дені сау, білімді де саналы жас ұрпақты өсіру талабынан  туындап  отырады.  Бос уақыттың маңыздылығы тек  жеке адамның өз қажеттіліктерін ғана қанағаттандырып қоймайды, сондай-ақ қоғамдық- пайдалы  нәтижелерге де қол жеткізеді. Мысалы, жеке тұлғаның дамуы, рухани құндылықтарды насихаттау мен мәдениетті қалыптастыру.

Оқушыларды сабақтан тыс уақытта  бос уақытын тиімді ұйымдастыру мақсатында 9 «Б» сынып оқушыларымен 4 мамыр күні кино әлеміне саяхат жасап,  кинотеатрға барып, көңіл-күйлерін көтеріп қайттық. Көрген  кинофильмнен алған әсерлері зор болды. Алған әсерлерімен өзара бөлісіп, ой қозғап, пікірлерін ортаға салды.