Тарихта ізі қалған дара тұлғалармен кездесудің киелі орны - театр сахнасы демекші, 6 қазанда  №23 мектеп оқушылары Сәкен Сейфуллин атындағы  Қарағанды облысының драма театрына барып қайтты. Қаздауысты Қазыбек бидің 350 жылдығына арналған «Қаз дауысты Қазыбек би» спектаклі. Бұл туындының  авторы Кеңес Жұмабеков,  қоюшы режиссер Қуандық Қасымов, суретші Есенгельді Тұяқов.  Көрермендер қойылымның сахналауынан  зор әсер алып,  тамаша көңіл күймен тарқасты. Қаздауысты Қазыбек би бабамызды сомдаған актер, рөліншеберлікпен еңсере білді. Өнердің құдіреті де осында емес пе! Осындай төл туындылар көп болғай! Сәкен Сейфуллин  атындағы драма театр ұжымының мерейі үстем болсын!