19желтоқсан 2014 жылы мектебімізде «Өрлеу» біліктілікті арттыру ұлттық орталығы» АҚ филиалы Қарағанды облысы бойынша қызметкерлердің біліктілігін арттыру институтымен бірлескен «PISA халықаралық зерттеуі аясында оқушылардың оқу сауаттылығын дамыту» тақырыбындағы қалалық семинар өтті. 

Семинарды ұйымдастырушы пән мұғалімдері Тукбаева Лайля Исенгельдиевна «PISA тестеріне оқушыларды дайындау жолдары» тақырыбы бойынша, Толендина Индира Бауржановна «Дарынды балалармен жұмыс жүргізу ерекшеліктері» тақырыбы бойынша даярлаған баяндамаларын оқып, оқу сауаттылығы бойынша ойларымен бөлісіп, шеберлік сабағын өткізді.

Қазақ тілді аудиторияда «ӨРЛЕУ» БАҰО»АҚ филиалы Қарағанды облысы бойынша ПҚ БАИ Тәрбие және тұлғаны әлеуметтендіру кафедрасының аға оқытушысы Айткенова М.Б., орыс тілді аудиторияда семинар тақырыбы бойынша баяндама оқылды.

ҚарМУ, филология факультеті Ф.ғ.д., профессор Әділова А.С., ҚарМУ, филология факультеті Ф.ғ.к., доцент Жуынтаева З.Н. дайындаған баяндамаларымен бөлісті. Сондай-ақ, №9 гимназия, қазақ тілі мұғалімдері Бакирова А.Д. «Мұғалім – оқушылардың функционалдық сауаттылық дағдысын дамытудың негізгі факторы»,  Ахметова А. А. «Халықаралық зерттеу аясында білім мазмұнын жаңарту» тақырыбы бойынша сөз алды.