ҚАЗАҚСТАН РЕСПУБЛИКАСЫ ҰҚК ШЕКАРА ҚЫЗМЕТІНІҢ ӨКІЛІМЕН КӘСІБИ БАҒДАР БЕРУ КЕЗДЕСУІ Мектебімізде жоғары сынып оқушыларына болашақ мамандық таңдауға бағыт-бағдар беру мақсатында Қазақстан Республикасы Ұлттық қауіпсіздік комитеті Шекара қызметінің өкілімен танымдық кездесу өтті. Кездесуді – Шекаралық бақылау «Қарағанды» бөлімшесі бастығының орынбасары, лейтенант Есенбек Аскар Өмірзақұлы өткізді. Әңгімелесу барысында оқушылар Қазақстан Республикасы ҰҚК Шекара қызметінің қызметімен, шекарашылардың негізгі міндеттері мен әскери мамандықтың ерекшеліктерімен танысты. Сонымен қатар Қазақстан Республикасы ҰҚК Шекара академиясына оқуға түсу мүмкіндіктері туралы ақпарат алды. Әсіресе академияға қабылдау талаптары, үміткерлерге қойылатын шарттар, оқу үдерісі, дене шынықтыру дайындығы және болашақта әскери қызмет атқару мүмкіндіктері туралы кеңінен айтылды. Кездесу ашық сұхбат форматында өтіп, оқушылар өздерін қызықтырған сұрақтарын қойып, болашақ мамандық таңдауға қатысты маңызды ақпараттарға қанықты. Мұндай кәсіптік бағдар беру іс-шаралары жоғары сынып оқушыларының мамандықтар әлемі туралы түсінігін кеңейтіп, болашақ кәсібін саналы түрде таңдауына ықпал етеді. Сонымен қатар жас ұрпақтың бойында отансүйгіштік, жауапкершілік және азаматтық борыш сезімдерін қалыптастыруға бағытталған. Мектеп әкімшілігі Есенбек Аскар Өмірзақұлына мазмұнды кездесу, қызықты әңгіме және оқушылардың кәсіби бағдар алуына қосқан үлесі үшін алғыс білдіреді.