«1 мұғалім – 1 тәжірибе – 1 идея» жобасы

 

2026 жылғы 6 қарашада мектебімізде «1 мұғалім – 1 тәжірибе – 1 идея» жобасы аясында «Жасанды интеллект – мұғалімнің сенімді көмекшісі» тақырыбында шеберлік сағаты өткізіледі.

Шеберлік сағатының спикері – Аринова Индира Нұратаевна, информатика пәнінің мұғалімі.

Іс-шараның негізгі мақсаты – педагогтерді жасанды интеллект мүмкіндіктерімен таныстыру, оны оқу-тәрбие үдерісінде тиімді қолдану жолдарын көрсету және мұғалімдердің цифрлық құзыреттілігін арттыру. Шеберлік сағаты барысында қатысушылар жасанды интеллекттің білім беру саласындағы мүмкіндіктерімен танысып, оны сабақ жоспарлау, оқу тапсырмаларын әзірлеу, оқу материалдарын дайындау және оқушылардың танымдық белсенділігін арттыру мақсатында пайдалану жолдарын қарастырады.

Сонымен қатар заманауи цифрлық құралдарды тиімді қолдану, мұғалімнің күнделікті жұмысын жеңілдету және білім беру сапасын арттырудағы жасанды интеллекттің рөліне ерекше назар аударылады. Бұл шеберлік сағаты педагогтердің тәжірибе алмасуына, жаңа технологияларды меңгеруіне және кәсіби дамуына мүмкіндік беретін тиімді алаң болмақ. #Timetoshare1m1tkrg