Тақырыбы: "Бала өмірінің қауіпсіздігін және денсаулығын қамтамасыз етудегі ата-аналар мен мектептің рөлі"
2023 жылдың 17 қарашасында №65 жалпы білім беретін мектебінде жалпы мектепішілік ата-аналар жиналысы өтті.
Жиналыс барысында мектебімізге қоғам қайраткері, ақын, жазушы Міржақып Дулатұлының есімі берілуі жайлы ата-аналарға ұсыныс жасалды. Ата-аналар қауымы бұл ұсынысқа өз келісімдерін берді.
Жиналысымыздың арнайы қонақтары Облыстық психологиялық орталықтың психологы Урташпаева Ж.М., "Кредо" қоғамдық бірлестігінің мүшесі Малаева А. М., "Қазақстан Азаматтары" қоғамдық бірлестігінің мүшесі, психолог Алпысбаева Н. С., Clever» отбасылық даму орталығының директоры, «Қарағанды облысының Азаматтық альянс», «Қазақстан Азаматтары» қоғамдық бірлестігінің модератор-менеджері, Хасянова К. Р.,
Қарағанды қаласының полиция бөлімінің есірткіге қарсы қылмыстық күрес бөлімшесінің майоры Нуркашев Н. К. болды.
Спикерлер кәмелетке толмаған жасөспірімдерге қатысты өзекті мәселелерді талқылады.
Жеткіншектердің психологиясы, отбасында шыдамдылық, сондай-ақ сүйіспеншілік пен балаға дұрыс тәрбие берудің маңызы зор екендігін баса айтып өтті.
Кездесу соңында ата-аналар қонақтарымызға өздерін толғандырған сұрақтарын қойып, тиісті жауаптарын алды.
Авторство:
