Орта білім беру мекемелерінің басшыларына

(тізім бойынша)

2020 жылғы наурыз айында өткізілетін

Ұлттық бірыңғай тестілеу

бойынша нұсқаулық хат

 

Қазақстан Республикасы Білім және ғылым министрінің 2017 жылғы                           2 мамырдағы № 204 бұйрығымен бекітілген Ұлттық бірыңғай тестілеуді өткізу қағидаларына (бұдан әрі – Қағидалар) сәйкес жоғары оқу орнына (бұдан әрі – ЖОО) ақылы негізде түсетін орта білім беру ұйымдарының 2019-2020 оқу жылындағы 11 (12)-сынып оқушылары үшін ағымдағы жылғы 1-15 ақпан аралығында Ұлттық бірыңғай тестілеуге (бұдан әрі – ҰБТ) өтініштер қабылданады.

ҰБТ-ға өтініш қабылдау Қазақстан Республикасы Білім және ғылым министрлігі Ұлттық тестілеу орталығының (бұдан әрі - Орталық) 154 филиалдары, яғни ҰБТ өткізу пункттері (бұдан әрі – ҰБТӨП) арқылы және оқушының жеке өзінің онлайн тіркелуі арқылы жүзеге асырылады. 

Осы ретте, Орталықтың Е.А.Бөкетов атындағы Қарағанды мемлекеттік университетіндегі филиалы ҰБТ-ға өтініш қабылдау рәсіміндегі өзгерістер мен жаңалықтарға қатысты төмендегі ақпаратты ұсынады.

ҰБТ-ға өтініш қабылдау екі түрлі тәсілмен жүзеге асырылады:

1. Оқушы өтінішті (құжаттарымен бірге) ҰБТӨП арқылы береді (бұдан әрі – ҰБТӨП арқылы тіркелу).

2. Оқушы  цифрлық профилін құра отырып, сайт арқылы онлайн тәртіпте өтініш береді (бұдан әрі - онлайн тіркелу). Онлайн тіркелу егер оқушыда жеке басын куәландыратын куәлігі немесе паспорты бар болған жағдайда және тек қана ата-анасының (немесе қамқоршысының) келісімімен жүзеге асырылады (жасы 18-ге толмағандар үшін).

ҰБТӨП (Қарағанды қаласы, Университетская к-сі, 28, 109 кабинет) арқылы тіркелу:

1. Оқушының іс-әрекеті:

1) Кез келген пошта сервистерінде электрондық пошта ашу (mail.kz, mail.ru, gmail.com, yandex.ru және т. б.).және http://ent.testcenter.kzсілтемесі арқылы алдын ала өтініш береді (міндетті емес). Ол үшін сілтемемен «Өтініш ҰБТ-2020» веб-қосымшасы жүйесіне тіркелу. Логин мен пароль оқушының электрондық поштасына жіберіледі. Алдын ала өтініш берген жағдайда ҰБТӨП-ке құжаттарын тапсыра отырып, тіркеуден өтуі қажет.

Құжаттар тізбесі Қағидалардың 5-тармағына сәйкес:

- өтініш (ҰБТӨП-те беріледі);

- 3 x 4 көлеміндегі екі фотосурет;

- жеке басын куәландыратын құжаттың көшірмесі;

Бұл ретте жасы 16-ға толмаған және жеке басын куәландыратын құжаты жоқ адамдар «Туу туралы» куәлігінің көшірмесін тапсырады.

- өзі білім алатын орта білім беру ұйымынан анықтамасы (1-қосымша).

Анықтама 2 данада алынады, тексерілгеннен кейін бір данасы мектеп бітірушіге қайтарылады (тестілеуге кіргізу барысында «Туу туралы» куәлікпен бірге көрсету үшін).

- ақы төлегендігі туралы түбіртек.

2) ҰБТӨП-тен тестілеуге рұқсаттамасын алу (өтініш қабылдау базасы жабылғаннан кейін).

Онлайн тіркелу:

1. Оқушының іс-әрекеті:

1) Кез келген пошта сервистерінде электрондық пошта ашу немесе өзінің электронды поштасынан кіру (mail.kz, mail.ru, gmail.com, yandex.ru және т. б.).

2) http://ent.testcenter.kzсайты арқылы онлайн тіркелу (авторизациялану). Логиндер мен парольдер тіркеу кезінде көрсетілген поштаға жіберіледі.

3) http://ent.testcenter.kz сайтында мектепті көрсете отырып, жеке мәліметтерді толтыру, тексеру үшін түбіртектің суретін жүктеу және жария офертаның келісімін қабылдау.

4) http://ent.testcenter.kz сайтындағы Digital ID батырмасын басу арқылы цифрлық профильді құру (смартфондар үшін Digital ID қосымшасы PlayMarket және AppStore арқылы қол жетімді).Digital ID жүйесіне тіркелгеннен кейін оқушы жеке мәліметтерін өшірмеуі қажет (маусым-шілде айларындағы және тамыздағы ҰБТ-ға өтініш беру барысында қолдану үшін).

Цифрлық профильді құрудағы міндетті талап:

- оқушыда жеке басын куәландыратын куәлігінің немесе паспортының болуы (туу туралы куәлігі бар оқушылар үшін мүмкін емес);

- цифрлық профильді құруға және тестілеуге қатысу үшін оқушының жеке деректерін өңдеуге ата-анасының (немесе қамқоршысының) келісімі болуы (жасы 18-ге толмағандар үшін).

Яғни, цифрлық профильді оқушы ата-анасымен (немесе қамқоршысымен) бірге толтырады (жасы 18-ге толмағандар үшін). Ата-ана (немесе қамқоршысы) келіскен жағдайда өзінің және баласының ЖСН-н көрсете отырып, офертаны қабылдайды.

3) Тестілеу үшін төлемақы жасау.

Ескертулер:

- http://ent.testcenter.kz сайтында дұрыс құрылған Digital ID цифрлық профилінің статусын, қабылданған өтініштің мәртебесін, тестілеу өткізілетін күні мен орнын білуге болады.

- онлайн тәртіпте ҰБТ деректер базасына тіркелген оқушылар тестілеуге жеке басын куәландыратын куәлігі немесе паспорты арқылы және «Face ID» тексеруімен жіберіледі.

- тестілеу өткізілетін күні мен орны республика бойынша өтініш қабылдау аяқталғаннан кейін, сондай-ақ аудиториялар бойынша бөлу жұмыстары жүргізілгеннен кейін белгілі болады.

2. Орталық филиалы қызметшісінің іс-әрекеті:

1)  ҰБТӨП-ке қарасты барлық мектеп бітіруші түлектерге қосымша ақпараттық-түсіндіру жұмыстарын жүргізу:

-оқушының жеке басын куәландыратын куәлігі немесе паспорты болған жағдайдаҰБТ-ға өтінішті онлайн тәртіпте беру мүмкіндігі (ҰБТӨП-ке келіп, құжат тапсырудың қажеті жоқтығы);

- http://ent.testcenter.kz сайты арқылыDigital ID жүйесіне тіркелу үшін жасы 18-ге толмаған оқушылар тек ата-анасының(немесе қамқоршысының) келісімі арқылы жүзеге асырылатындығы;

2)       Онлайн тәртіпте тіркелген оқушылар туралы күнделікті мәліметті қадағалау және мектеп бойынша бақылау.

Тестіленушілер назарына жеткізілуі тиіс қосымша ақпарат:

1. Ақы-төлем бойынша:

- ақы төлем түбіртегінде тестіленушінің ЖСН-ы көрсетілуі міндетті;

- бірнеше тестіленуші үшін төленген ақы туралы бір ғана құжат (түбіртек және т.б) болған жағдайда келесі ақпарат міндетті түрде ҰБТӨП-ке хат ретінде тапсырылуы қажет:

üақысы төленген тестіленушілер туралы ақпарат (ЖСН-ы, ТАӘ);

üақы төлеген тұлғалар туралы ақпарат (ЖСН-ы, ТАӘ).

Тестілеу құны – 2242 теңге.

ҰБТ-ға қатысу үшін төлемді Қазақстан Республикасының барлық екінші деңгейлі банк кассалары мен «Қазақстан Халық Банкі» АҚ терминалдары, «Kaspi.kz» мобильді қосымшасы арқылытөменде көрсетілген реквизит бойынша жасауға болады:

«Ұлттық тестілеу орталығы» РМҚК  ҚР БҒМ

010011 Нұр-Сұлтан қ., Жеңiс д., 60

БИН 000140001853

ИИК KZ536010111000001515

БИК HSBKKZKX     КБE 16

«Қазақстан Халық Банкі» АҚ

2. Digital ID мобильді қосымшасында цифрлық сәйкестендіруден өткен оқушыларға:

Алдағы уақытта өткізілетін тестілеуге өтініш беру барысында қолдану үшін Digital ID жүйесіне тіркелгеннен кейінгі жеке мәліметтерін өшірмеуі қажет.

3. ҰБТ сертификаты бойынша:

ҰБТ-да алған балдары СЕРТИФИКАТ бланкісіне шығарылмайды!!! ҰБТ нәтижесін тестілеу ведомосынан немесе www.testcenter сайтынан (ЖСН және ТЖК-сы арқылы) көруге болады. Жалпы ЖОО-ға ақылы негізде оқуға қабылдану үшін немесе республикалық бюджет қаражаты есебінен білім беру гранты Конкурсына қатысу үшін ҰБТ балдары ЖОО-лармен Орталықтың базасынан жүктеледі.

Қосымша: 1 бет.

ҰТО филиалының басшысы                             Д.У.Баймагамбетова