Ғ.Мұстафин атындағы №83 ЖББОМ оқушыларының КМҚК «Жас натуралистер станциясы» агробиологиялық учаскесіндегі өндірістік жазғы лагерь туралы ақпарат
Оқушылардың жазғы демалысы басталысымен, 01.06.2017 ж. бастап Ғ.Мұстафин атындағы №83 ЖББОМ 6-сынып оқушылары Мусенова Асыл Тлеухановнаның жетекшілігімен КМҚК "Жас натуралистер станциясы" агробиологиялық учаскесінде өндірістік жазғы лагерьде бос уақыттарын қызықты өткізіп қана қоймай, танымдық сипатта, қоғамдық пайдалы іспен айналысып жүр.
КМҚК "Жас натуралистер станциясы" агробиологиялық учаскесінің Блялов Ниязбек Шазарович басқарған ұжымы оқушыларды ерекше ыстық ықыласпен қарсы алып, алдағы жұмыс күндеріне сәттілік тіледі.
КМҚК "Жас натуралистер станциясы" агробиологиялық учаскесінің өндірістік жазғы лагерь педагогтері біздің "Жас натуралистер" тобына "бархатцы" , "петуни" гүлдерін қалай егіп, оларға қалай күтім жасау керек екендігі туралы шеберлік сыныбын көрсетті. Оқушылар аса қызығушылықпен тыңдап, өздері де гүл егіп, оларды суарып мәре-сәре болды.
08.06.2017 жылы "Жас натуралистер станциясы" агробиологиялық учаскесі ұжымының ұйымдастыруымен мектебіміздің Мусенова А.Т. басқарған "Жас натуралистер" тобы "Ж.Бектұров атындағы Қарағанды облыстық жасөспірімдер кітапханасына" барды.
Кітапханашылар 5 маусым - Қоршаған ортаны қорғау күніне орай ұйымдастырған атақты ғалым, энтомолог, Ұлы Отан соғысы ардагері , биология ғылымының докторы, зоология ғылымының профессоры Павел Иустинович Мариковкиийдің өмір жолы мен жазған еңбектерімен таныстырды. Оқушылар П.И.Мариковский-дің кітап көрмесін тамашалап, "Черная вдова", "Юному энтомологу", "Два лика пустыни" т.б. еңбектері бар екенін білді. Сонымен қоса, П.И.Мариковскийдің 1941 жылы соғыста жүргенде қолданған сөмкесін қалай өзінің экспедицияға ыңғайлап жасағаны туралы бейне роликті аса қызығушылықпен тамашалады. Оқушылар кітапханашыларға әр түрлі сұрақтар қойып, жәндіктер туралы өздерінің қызығушылықтарын білдіріп, таңғалып жатты.
Саяхатымызды одан әрі Ж.Бектұрұлының мұражайымен жалғастырдық. оқушылар өздерінің жерлестерінің өмірі мен шығармашылығымен танысты.
Кітапханадан сыйлыққа кітаптар алған оқушылар үйлеріне олжалы оралды.
