18.02.2016-27.02.2016 аралығында №34 негізгі орта мектебінде ағылшын тілі пәндер ӘБ мұғалімдерінің ұйымдастыруымен әдістемелік апталық өтті. Басты мақсаты - оқушылардың құзыреттілігін арттырып, сабақта және сабақтан тыс шаралардың әдістемелік әдіс-тәсілдерін меңгертіп, ағылшын тіліне деген танымдық қызығушылықтарын ояту. Алға қойылған мақсаттарды орындау барысында әдістемелік апталықтың жоспары құрылды.

Әдістемелік апталықта төмендегідей шаралар өтті: «Диалогтық оқыту» атты коучинг, 7-8 сыныптар арасында “English around us” тақырыбында қабырға газеттері сайысы, 9-сыныптар арасында “My favourite actor” атты презентация сайысы, ««Қазақфильм» киностудиясы», «Қазақстанның өсімдік әлемі», “Food” тақырыптарында ашық сабақтар, сонымен қатар «Ағылшын тілінде ертегілерді сахналау», «Лондонның көрікті жерлері» атты сабақтан тыс іс шаралар.

Барлық іс-шаралар қызықты, әрі тартымды өтті. Оқушылар үлкен қызығушылықпен белсене қатысты және жан-жақты білімдерін көрсете алды. Іс-шара барысында ел тануда өз білімдерін молайтып, ағылшын тілін үйренуге деген қызығушылықтары арта түсті.

Апталықтың соңында барлық іс шараға белсене қатысқан оқушылар мадақтамалармен марапатталды.