21.11.2014 жылы мектепте Қалалық білім бөлімінің қатысуымен «Өзін-өзі тану» пәнімен ықпалдыстырылған сабақтар өткізілді. Мектеп директоры Берлібеков Ж.М. сөз сөйлеп, семинар жұмысына сәттілік тіледі. Қалалық білім бөлімінің әдіскері Ұзақбаева Р.Ұ. семинар бағдарламасымен, жұмыстың мақсатын таныстырды. Теориялық бөлімін өзін-өзі тану пәні мұғалімі Искакова А.С. «Оқушы бойында рухани-адамгершілік құндылықтарды қалыптастыру және сабақтарда жаңа әдістер мен тәсілдерді тиімді пайдалану» жолдары бойынша, көрсетіліммен талдау жасады. 6 «Б» орыс тіліндегі сынып оқушысы Шокейбасова Ботагоз «Вулкандар» тақырыбында ғылыми жобасын қорғады. Практикалық бөлімде, пән мұғалімдерінің ашық сабақтары мен сыныптан тыс іс-шаралары көрсетілді. 6 «А» сыныпта география пәнінен «Жердің құрылымы мен негізгі ұғымдар» тақырыбы мен ықпалдастырған өзін-өзі тану пәнімен «Әдептен озбайық» тақырыбы бойынша жұмыстар жасалды. Сабақ 3 деңгейлік курсы бойынша өтілді. Сабақтың барлық құрылымы қамтылды. Барлық оқушылар мен қонақтар белсене қатысып, өздерінің ризашылықтарын білдірді.
Контакты