Бауыржан Момышұлының «Москва үшін шайқас» шығармасынан сахналық қойылым (Ұлы Жеңістің 65 жылдығына орай) 23.04.2010ж Мақсаты: Көзі тірісінде-ақ аты аңызға айналған Бауыржан Момышұлы - екінші дүниежүзілік соғыстың даңқты жауынгері, Гвардия полковнигі, Кеңес Одағының батыры, Халық қаћарманы, қазақтың маңдайына біткен біртуар ұлы, қазақ халқының көрнекті жазушысының өмір жолымен таныстыру. Бауыржан Момышұлы атамыздың кейінгі ұрпаққа үлгі етіп қалдырып кеткен ерлікке толы шығармаларын оқыта отырып оқушылар бойындағы Отанға деген сүйіспеншілігін арттырып, патриоттық тәлім – тәрбие беру. Кештің ұраны: Елі үшін жанын қиған, Ерлер есте сақталады. Жас жүрекке жалын құйған Ерлік есте сақталады (С.Мәуленов) Оның бір ғана шығармасынан сахналық қойылым көрсете отырып, Бауыржан Момышұлы – ұрпаққа үлгі болар, баға жетпес мұра қалдырған дара тұлға екендігін тағы бір мәрте дәлелдедік. Бауыржан Момышұлының өмір жолынан баяндама оқылып, саханалық қойылым көрсетілді. Кейіпкер образын сомдағандар: Б.Момышұлы – Серғазиев Батыр Генерал – Кенжетаев Алданыш Ана – Құлманова Жанбота 1 Жауынгер - Әлжаппаров Нұрым 2 Жауынгер – Қалиев Берік «Қаруын қаламына айырбастап» мәнерлеп оқу бөлімінде өлеңдер оқылып, «Жеңіс туы желбіре» атты қорытынды бөлімде мерекемен құттықтауға келген 1 - сынып оқушылары, жас ұландарға кезек берілді. 8 – сынып оқушылары Әлжаппаров Нұрым мен Нұрмұхамедов Нұрболаттың орындауындағы «Атамекен», «Өз елім» әндері кешті одан әрі жандандыра түсті. «Сарғайса да тарихтың ақ парағы Ол күндер мәңгі есте сақталады», -демекші Ешкімде, ешқашан ұмытылмайды, - деп кешімізді аяқтадық. Пән мұғалімі: Муштарбекова Динара Нұрболқызы