Мектебімізде оқушылар арасында салауатты өмір салтын қалыптастыру, дұрыс тамақтану мәдениетін насихаттау және денсаулықты сақтаудың маңыздылығын түсіндіру мақсатында 5–7 сынып оқушыларына «Дұрыс тамақтану әдебі – денсаулық кепілі» тақырыбында лекция өткізілді. Іс-шараны алдын алу және әлеуметтік-профилактикалық көмек көрсету бөлімшесінің СӨС медбикесі Садыкова Жансая Аманқызы өткізді. Лекция барысында оқушыларға дұрыс және теңгерімді тамақтанудың адам денсаулығына әсері, күнделікті тамақтану тәртібін сақтау, пайдалы тағамдарды таңдау, дәрумендер мен минералдардың маңызы туралы ақпарат берілді. Сонымен қатар фаст-фуд, газдалған сусындар, шамадан тыс тәтті және майлы тағамдарды жиі тұтынудың кері әсері түсіндірілді. Оқушыларға дұрыс тамақтану – ағзаның қалыпты дамуы мен өсуінің, оқу үлгерімі мен белсенділіктің, сондай-ақ түрлі аурулардың алдын алудың маңызды негізі екені айтылды.
Лекцияның мақсаты:
• оқушыларға дұрыс және теңгерімді тамақтану туралы түсінік қалыптастыру;
• денсаулыққа пайдалы тағамдарды дұрыс таңдауға үйрету;
• дұрыс тамақтану тәртібін сақтаудың маңыздылығын түсіндіру;
• зиянды тағамдарды шамадан тыс тұтынудың алдын алу;
• жасөспірімдер арасында салауатты өмір салтын ұстануға деген жауапкершілікті арттыру.
Денсаулық – адам өміріндегі ең қымбат құндылық. Ал оны сақтаудың алғашқы қадамы – дұрыс тамақтанудан басталады!