2026 жылғы 17 қыркүйекте Әлихан Бөкейхан атындағы ПБ ОКП қызметкері, полиция аға лейтенанты, жедел уәкіл Сұлтанғазы Т. Жақып Ақбаев атындағы жалпы білім беретін мектебінің оқушыларымен профилактикалық дәріс жүргізді.

Кездесу барысында есірткі құралдары мен психотроптық заттарды қолданудың және таратудың алдын алу мәселелері қарастырылды. Оқушыларға есірткі заттарының адам денсаулығына тигізетін кері әсері, сондай-ақ есірткі құралдарын сақтау, тарату және заңсыз айналымына байланысты құқықтық жауапкершілік түсіндірілді.

Сонымен қатар кәмелетке толмағандар арасындағы бопсалау фактілерінің алдын алу мәселесіне ерекше назар аударылды. Полиция қызметкерлері қорқыту, бопсалау немесе қысым көрсету жағдайларында өзін қалай ұстау керектігін түсіндіріп, осындай жағдайлар орын алған кезде ата-аналарына, педагогтерге немесе полиция қызметкерлеріне дер кезінде жүгіну қажеттігін атап өтті.

Бұдан бөлек, кәмелетке толмағандардың жыныстық қолсұғылмаушылығын қорғау, жеке шекараны сақтау және күнделікті өмірде, сондай-ақ интернет желісінде қауіпсіз мінез-құлық таныту мәселелері түсіндірілді. Кездесу соңында полиция қызметкерлері оқушылардың сұрақтарына жауап беріп, заң талаптарын сақтауға және құқық бұзушылықтардың алдын алуға шақырды.