02.03.2026 ж. күні
9 «Ә» сыныбында «Алғыс айту – рухани байлық» тақырыбында тәрбие сағаты өтті.
Мақсаты:
Оқушыларға алғыс айтудың адам өміріндегі маңызын түсіндіру;
Үлкенге құрмет, кішіге ізет көрсетуге тәрбиелеу;
Мейірімділік, сыйластық, адамгершілік қасиеттерді дамыту;
Қоғамда жағымды қарым-қатынас қалыптастыру;
Рухани бай, мәдениетті тұлға тәрбиелеу.
Сабақ барысында алғыс айтудың адамның ішкі мәдениетін арттыратыны, айналасындағы адамдармен қарым-қатынасты нығайтатыны туралы айтылды. Оқушылар ата-анаға, ұстазға, достарына және қоғамға деген ризашылық сезімін білдірудің маңызын түсінді. Алғыс айту арқылы адам жүрегінде мейірім мен ізгілік қалыптасатыны атап өтілді.
Сонымен қатар, күнделікті өмірде сыпайы сөйлесу, көмектескен адамға ризашылық білдіру, жақсылықты бағалай білу – тәрбиелі адамның басты қасиеті екені айтылды.
Сабақ соңында әрбір оқушының алғыс айта білетін, айналасына құрметпен қарайтын, рухани бай тұлға болып қалыптасуы маңызды екені қорытындыланды.
Сынып жетекшісі: Ашимова Г.Я.