28 қазан күні «Ж.Ақбаев атындағы жалпы білім беретін мектеп» КММ-де «Цифрлық педагогика және жасанды интеллект: тиімді оқытудың формуласы» атты семинар ұйымдастырылды.

Іс-шараның негізгі мақсаты – білім беру саласында жасанды интеллектіні қолданудың жаңа тәсілдерін көрсету, мұғалімдердің цифрлық құзыреттілігін арттыруға ықпал ету және заманауи технологияларды оқу-тәрбие процесіне тиімді енгізу жолдарын айқындау болды.

Семинар барысында қатысушыларға жасанды интеллекттің білім берудегі мүмкіндіктері мен оның тиімді қолдану тәжірибелері ұсынылды. Мұғалімдер өзара тәжірибе алмасып, заманауи цифрлық құралдар мен платформаларды пайдаланудың әдіс-тәсілдерін талқылады.

Іс-шара соңында қатысушылар семинардың өз кәсіби дамуларына және оқыту процесінің сапасын арттыруға зор үлес қосқанын атап өтті.