21.04.2025 жылы Абай атындағы облыстық балалар кітапханасында Ұлттық кітап күні қарсаңында Балалар кітабы апталығы аясында "Ертегі патшасы Андерсен" атты танымдық квиз-ойыны өтті. Әлемге әйгілі бірнеше ертегілердің авторы Дания әдебиетіне ерекше үлес қосқан Ганс Христиан Андерсеннің шығармашылығына арналған іс-шараға Жақып Ақбаев атындағы жалпы білім беретін мектебінің 4"в" сынып оқушылары қатысты. Білім алушылар ертегілер еліне саяхат жасап, ертегі патшасы Ганс Христан Андерсеннің өмірі мен шығармалары туралы сұрақтарға жауап берді. Іс-шара өте көңілді, әсерлі өтті. Білім алушылардың кітап оқуға деген қызығушылықтары арта түсті.