1 қазан қарттар күніне орай «Назар аударыңыз, қарт адам!» тақырыбындағы акциясын мектебіміздің барлық оқушыларымен ұйымдастыру бұл біздің мектебіміздің дәстүріне айналды. Бастауыш сынып оқушыларының жасаған сыйлықтары мен құттықтауларын, педагог-психологтардың Демченко А.В және Исина Ж.Ш  жоғары сынып оқушыларымен бірлесе отырып ұйымдастырылған акцияда 147 зейнет жасындағы қарттар қамтылды. Зейнеткерлер балалардың өздерін ұмытпай, құттықтағандықтарына таң қалғандарын жасырмай, оқушыларға тәтті-дәмділерін ұсынып, сонымен қатар рахметтерін айтып, ризашылықтарын білдірді. Ал акциядан оралған оқушылардың  көңілдерінде жылы сезім ұялап, басқа адамға жақсылық жасаудың орынының ерекшелігін түсініп, алдағы акцияларға да ат салыса қатысатындықтарын айтты.

Сонымен қатар Қарттар күніне орай суреттер көрмесі де ұйымдастырылды. Ол суреттерде балалар өздерінің ата-әжелеріне  махаббат пен жылулық сезімдерін көрсетуге тырысқан. Ал зейнет жастағы біздің қарттарымыз тағы да № 34 орта мектепте қайырымды да тамаша оқушылар оқитындықтарына көз жеткізді.