Адам өміріндегі ең игі істерінің бірі-мұқтаж жандарға қамқорлық жасау. Адамдар бір-біріне қайырымдылық, мейірімділік таныту арқылы жақсылық жасап адамгершілік қасиеттерді бойына дарытады.
"Қайырымдылық жасасаң, қайырымын өзің көресің"-деген екен дана халқымыз. Осыған орай жоба жетекшілері А.Баймаганбетова, Л.Мухаметкалиева, А.Курганбаева-Абдугуланованың ұйымдастыруымен мектебіміздің еріктілер тобы "Қоғамға қызмет етемін" жобасы аясында қайырымдылық істерін жалғастыруда. Жобамыздың мақсаты балалардың санасына мейірімділік, қайырымдылық ұғымдарын қалыптастыру, қарт адамдарға жәрдемдесу, әлеуметтік жағдайы төмен отбасыларға көмек көрсету, оқушылардың кішіпейілділікке, бауырмалдыққа тәрбиелеу арқылы ұлттық құндылықтарды оқушы бойына қалыптастыру.
