05.10.2012 ж. Ұстаздар күніне орай 11 «а», 11 «б» сыныптары Жексенбаева А.О. мен Ковшова Е.М. жетекшілігімен мерекелік концерт өткізді. Мектептің ардагер ұстаздары құттықталып, сыйлықтар алды. Мұғалімдер күніне байланысты ұстаздардың өткен оқу жылындағы жетістіктері үшін мектеп және ҚББ-нен  мақтау қағаздары мен дипломдар берілді.  Мектеп оқушылары түрлі өнерлерін ортаға салды. 9 «в» сыныбы «Сабақ уақытындағы қызықтар» атты әзіл көрініс жасады. Қазақтың ұлттық аспаптары – домбыра мен қобыздың қоңыр күйі залды әуелеп кетті. Біздің 2 сынып оқушылары «Мамбо» биін билесе, №2 өнер мектебінің оқушылары «Кадриль» биін сыйға тартты. Ұстаздарға арналған оқушылардың орындауында әндер айтылды. Мерекелік іс-шара жоғарғы дәрежеде өтіп, мұғалімдердің мерейі бір көтеріліп қалды.