28.11.2018 жылы №34 жалпы білім беретін орта мектебінде «Орталық Қазақстан –оқырманның олжасы» атты облыстық «Орталық Қазақстан» газетінің ұжым мүшелерімен қонақжай кездесуді мектеп кітапханашылары Жолдыбекова Гульжанат Амановна мен Нафталова Назира Кенесовна ұйымдастырып өткізді.

Кештің мақсаты: «Орталық Қазақстан» облыстық газетінің жеке адам мен қоғам алдындағы қызметінің маңыздылығын айтып түсіндіру, баспасөз арқылы ұрпақты ұлттық рұх, отаншылдық сезім, имандылық қағидалар тұрғысынан тәрбиелеу.

Аталмыш кешіміздің қонағы басылымның Директор – Бас редакторының орынбасары Ахат Құрмансейітов, бөлім меңгерушісі Ерғазы Төлеу, онлайн – редакторы Нұрлыхан Қалқаман қатысып газеттің өткен тарихы мен бүгінгі күнгі келбетін әңгімелеп беріп, кешке қатысушылардың сұрақтарына жауап берді. Мектебіміздің өнерпаз оқушылары әдемі әнмен әуелетіп, кештің ажарын аша түсті. Кездесу кеші жиналған қауымға рухани дүние сыйлады.