Мектебімізде қазақ тілі апталығына орай, қазақ тілі мен әдебиеті пәндерінің мұғалімі Сайлаухан А. А. 3 «А» сынып оқушыларымен ашық сабақ өткізді.

Сабақтың тақырыбы:«Кел, балалар, оқылық!».

Сабақтың мақсаты:XIX ғасырдағы қазақтың біртуар ұлы тұлғалары Абай, Ыбырай, Шоқандардың қазақ әдебиеті мен мәдениетіндегі орнын анықтай отырып, Ыбырай Алтынсариннің оқуға, өнер, білімге шақыратын өлеңі «Кел, балалар,оқылық» өлеңінің мән-мағынасын ұғындыру. «Адам болу үшін» жақсы оқуға шақыру, білімді, өнерлі адамның өрге жүзерін сезіндіру.

Сабақ барысында оқушылар  өз деңгейлерінде ой бөлісіп, ақындардың шығармашылығынан білетін өлең жолдарын оқып, Ыбырай Алтынсарин туралы білімдерін кеңейтті.