2017 жылы 25 сәуірде қалалық «Жас педагог-2017» байқауы қала мектептеріндегі шығармашылықпен жұмыс жасайтын талантты жас педагогтардың ең үздігін анықтау, кәсіби біліктіліктерін шыңдау мақсатында өтті.

     Байқауға мектепішілік және сырттай іріктеу кезеңінен өткен жас ұстаздар қатысты. Байқауға қатысушылар «Таныстыру», «Ширату», «Өз өнерін көрсету»  кезедері бойынша өзара бақ сынасты. Алғашқы таныстыру кезеңінде жас ұстаздарымыз өздерін өлең шумақтарымен,видеороликтермен таныстырды. Ширату, сұрақ-жауап кезеңі бойынша, әрбір қатысушыға екі сұрақтан қойылды. Біріші сұрақ білім жүйесіне байланысты болса, екінші сұрақ логикалық тапсырма.Осы кезеңде байқауға қатысушылар өздерін ұшқыр ойлы, зерек екендерін көрсете білді. Ал өнерлері сынға түсер сәтте жас ұстаздар өздерін тек мұғалім ғана емес, әрі әнші, әрі биші, әрі ақын, әрі суретші  екендіктерін танытты. 

      Тәуелсіздігіміздің туын желбірететін, өзге  елдермен тереземізді теңестіретін – білім. Сол білім  оқушыларға дарыса, сана сезімінен көрініс тапса жас ұстаздардың еңбегінің жемісі болмақ. Міне, жас ұстаздар байқау барысында өздерінің шеберліктерін, білімділіктерін танытты.

 Қорытындысында әділқазылар шешімімен бас жүлдені №16 ЖББОМ бейнелеу,сызу,технология пәнінің мұғаліміЕсмагамбетова Лязат Оралбаевна, I орынды  №23 ЖББОМ қазақ тілі және әдебиеті пәні мұғаліміҚуанышбек Зарина Қайратқызы, II орынды №92 гимназиясының география пәні мұғалімі Ошанова Елигай Канатқызы, III орынды №54 ЖББОМ қазақ тілі және әдебиет пәні мұғалімі Иманбеков Кайрат Берікболұлы иеленді. Басқа қатысушылар номинациялар бойынша марапатталды. Жас ұстаздарымыздың қиындығы мен қызығы мол ұстаздық жолында қанаттары талмай шыңдала берсін деп тілейміз