Абай мұралары – адамгершіліктің, имандылықтың, биік парасаттылықтың асыл қазынасы. Осыған орай 2015 жылдың 31қазан айында біздің мектепте «Өлең-сөздің патшасы, сөз сарасы» атты поэзиялық кеш өткізілді. Кешті ұйымдастырған педагогикалық практиканы өтіп жүрген «Болашақ» колледжінің студенттері. Қатысқан оқушылар –  5-9 сынып оқушылары.

Көрермендер алдында өнерлерін бишілер, күйші, әншілер, өлең оқитын балалар көрсетті.

Ұлылықтың сырына қанық болғымыз келсе, даралықтың қандай болатынын ұғынғымыз келсе, дана Абай әлемін шарлап қайталық деп ақын өмірінен слайдтар көрсетілді.

Өлсе өлер табиғат, адам өлмес.
Ол бірақ қайтіп келіп ойнап – күлмес.
Мені мен, менікінің айырылғанын,
“Өлді” деп ат қойыпты өңкей білмес.
Көп адам дүниеге бой алдырған,
Бой алдырып, аяғын көп шалдырған.
Өлді деуге сыя ма, айтыңдаршы.
Өлмейтұғын артына сөз қалдырған – дегендей бізге артында өлмейтұғын сөз қалдырған дана, дара ақынымыз мәңгі жүрегімізде.

Осы поэзия кешін ұйымдастырған студенттер мен оқушыларға үлкен алғысымызды білдіреміз.