2-қыркүйек –Білім күні мерекесінде №50 негізгі орта мектебінде қоғамдық сананы жаңғырту бағдарламасын жүзеге асыру мақсатында «Туған жерге айрықша іңкәрлікпен атсалысу-шынайы патриотизмнің маңызды көрінісі» тақырыбында  9 сынып оқушыларының қатысуымен дөңгелек үстел ұйымдастырылды.  Дөңгелек үстелге ауданымыздың ел ісіне араласып жүрген азаматтары шақырылды.   Соның ішінде еңбек ардагері  Айымқұлов Асылбек пен Рамазанова Нурбике анамыз келіп қатысты. Олар оқушыларға патриот болудың маңыздылығы жайында өнегелі өсиеттер айтып, тілек білдірді. Туған жерге еңбек ету -әрбір азамат үшін   мәртебелі  іс екені туралы  өз өмірлерінен әңгіме айтып, шара соңында патриоттық әндер  оқушылармен бірге қосыла айтылды. Дөңгелек үстел барысында оқушылар аға ұрпақтың бойынан патриоттық сезімнің жоғары екендігін танып, өздеріне сабақ алды.