Қазан айының 17-і күні ата-аналар мен мұғалімдердің қатысуымен «Баламның болашағы мен үшін маңызды» тақырыбына коучинг өткізілді. Коучингтің мақсаты, ата-аналар мен мұғалімдердің ынтымақтастығын арттыру, ата-ананың мектепке деген көзқарасын өзгерту және білім берудегі жаңашылдықтармен таныстыру болды.  Коучингте ата-аналар мұғалімдермен үш топқа бөлініп, «ата-ана мен мұғалім ынтымақтастығы деген не? Ол не үшін қажет?, Оқушы мен мұғалім ынтымақтастығында  не маңызды?, Білім жолында оқушының табысқа жетуі үшін ата-ананың қосар үлесі қандай? , Оқушы бәсекеге қабілетті азамат болуы үшін қандай болуы қажет?, Табысты мектептің мұғалімі қандай болуы қажет деп санайсыздар?  ХХІ ғасыр оқушысы қандай болуы шарт?  деген сауалдарға топпен ақылдаса отырып постерге түсіре отырып, жан-жақты жауап берді. Сондай-ақ, отбасында баланың жан-жақты қалыптасуына қажет құндылықтар жайында пікірлерімен бөлісті. Коучингке қатысқан ата-аналар аталған іс-шараның өте қызықты, әсерлі ұйымдастырылғанына алғыстарын білдіріп және алдағы уақытта осындай  ата-аналармен жұмыс жиі өткізілсе деген тілектерін білдірді.

Мектеп  үшін ата-ана мен оқушы пікірі өте маңызды. Саналы тәрбие мен сапалы білім беруде ата-ана-мұғалім-оқушы  ынтымақтастығының маңыздылығын басты назарда ұстай отырып,  бірлескен жұмысты жалғастыра беруге ниеттіміз.