14-15 тамызда Астана қаласында педагог қызметкерлердің республикалық тамыз конференциясы болып өтті. Конференцияның басты маңызды сәті-Қазақстан Республикасының Президенті Қасым- Жомарт Тоқаевтың білім беру саласын дамытудағы нақты бағыттары туралы баяндамасы болды. Конференцияда басымдық беріліп көтерілген ең маңызды қадамдардың бірі-мектептердің жаңартылуы, күрделі жөндеулерден өтуі әрбір баланың білім алуы үшін қолайлы жағдай туғызу болып табылды. Күрделі жөндеуден өткен мектеп болашақта оқушылардың сапалы білім мен саналы тәрбие алуына негіз болатыны сөзсіз. Біз білім алып отырған білім ордасында биылғы жылы күрделі мәселенің түйіні шешіліп, мектеп ғимаратына реновация бағдарламасы бойынша күрделі жөндеу жұмыстары жүргізілуде. Бүгінде мектебіміздің келбеті өзгеріп, ажары арайланды. Аталған күрделі жұмыс түрлеріне ғимараттың сыртқы келбеті заманауи стильде жаңартылып, шатыры жасалынып, бірінші қабатта толығымен оқу кабинеттері мен дәліздері жаңартылып, заманауи жихаздармен жабдықталды. Бұл конференция әрқайсымызға жаңа мақсаттарға жетелейтін сенім мен жігер сыйлады.