"БАЛА ҚҰҚЫҒЫ-АДАМ ҚҰҚЫҒЫ" РЕСПУБЛИКАЛЫҚ АЙЛЫҚТЫ ҰЙЫМДАСТЫРУ ЖӘНЕ ӨТКІЗУ БОЙЫНША ҰСЫНЫМДАР

​​1954 жылы БҰҰ Бас Ассамблеясы №836 (IX) қарар қабылдады және барлық елдерге Дүниежүзілік балалар күнін атап өтуге кеңес берді. Дүниежүзілік балалар күні бүкіл әлемде 20 қарашада атап өтіледі.

20 қараша күні кездейсоқ таңдалмады: 1959 жылы БҰҰ Бас Ассамблеясы «балаларды бақытты балалық шақпен қамтамасыз ету» мақсатын жариялаған Бала құқықтары декларациясын қабылдады. Мереке барлық азаматтарды тиісті заңнамалық және басқа да шараларды жүзеге асыра отырып, балалардың құқықтарын сақтауға шақырады.

Қазақстан Республикасы Бала құқықтары туралы Конвенцияны 1994 жылы ратификациялады. Дүниежүзілік күнге балалардың танымдық, тақырыптық, мәдени және спорттық іс-шаралар циклін ұштастыру жоспарлануда.
Өтетін мерзімі: 2021 жылдың 20 қазанынан 20 қарашасына дейін

Республикалық айлық арналады:

- Дүниежүзілік балалар күнін мерекелеуге;

- Қазақстан Республикасы Тәуелсіздігінің 30 жылдығына.

​Республикалық айлыққа қатысушылары: орта білім беру ұйымдарының білім алушылары, мемлекеттік органдардың, педагогикалық, ата-аналар қоғамдастығының, бизнес-құрылымдардың, үкіметтік емес ұйымдардың өкілдері, сарапшылар, БАҚ және т. б.

​Республикалық айлықтың мақсаты: мерекелік іс-шараларды ұйымдастырудың бірыңғай тәсілдерін әзірлеу, мемлекеттік құрылымдардың, қоғамдық, үкіметтік емес және халықаралық ұйымдардың, бизнес-топтардың, БАҚ-тың балалардың мүддесінде мемлекеттік саясатты іске асыру мәселелеріне қоғамның назарын аударуда күш-жігерін біріктіру.

Республикалық айлықтың міндеттері:

1) мемлекеттік органдар мен азаматтық қоғамның сындарлы диалогын құру;

2) балалардың құқықтары мен мүдделерін қамтамасыз етуге бағытталған мемлекеттік іс-шаралар туралы жұртшылықты хабардар ету;

3) қайырымдылық қозғалысын жандандыру;

4) барлық санаттағы балаларды мерекелік іс-шаралармен, оның ішінде қашықтықтан іс-шаралармен жаппай қамтуды қамтамасыз ету;

5) балаларға арналған аумақтарды абаттандыру бойынша жобаларға бастамашылық ету.