PISA халықаралық зерттеу

PISAОҚУШЫЛАРДЫҢ ОҚУ ЖЕТІСТІКТЕРІН БАҒАЛАЙТЫН ХАЛЫҚАРАЛЫҚ ЗЕРТТЕУІ

                  PISA (Programme for International Student Assessment) – 15-жастағы білім алушылардың оқу, математика және жаратылыстану сауаттылығы бойынша оқу жетістіктерін бағалауға арналған халықаралық зерттеу. Зерттеуді Экономикалық ынтымақтастық және даму ұйымы әр үш жыл сайын өткізеді.

               PISA алғаш рет 2000 жылы жүргізілді, ал Қазақстан зерттеуге 2009 жылдан бері қатысып келеді.

Әрбір циклде үш бағыттың бірі мұқият талдауды жүргізу үшін негізгі болып анықталады. Зерттеу жалпы міндетті білімді меңгерген оқушылардың қоғаммен толыққанды әрекеттесуге қажетті білім мен дағдыларға қаншалықты ие екендігін анықтауға мүмкіндік береді.

             PISA 2022 апробациялық зерттеуі 2021 жылы жүргізілді, ал негізгі зерттеу 2022 жылы өтеді.

PISA зерттеуінің нәтижесінде қатысушы елдер ұлттық білім беру жүйесінің күшті және әлсіз жақтарын анықтау, оны одан әрі дамыту үшін жаңа реформалар мен бастамаларды әзірлеу үшін объективті деректер базасын алады. Зерттеуге қатысу арқылы оқушылардың функционалдық сауаттылығының қалыптасуындағы трендтерді өлшеуге мүмкіндік туады. Сонымен қатар, PISA нәтижелері әртүрлі білім беру жүйелерін салыстыруға және ұлттық білім беру стратегияларын әзірлеуде жетекші елдердің тәжірибесін зерттеуге мүмкіндік береді.

Функционалдық сауаттылық оқушылардың әртүрлі өмірлік жағдаяттармен бетпе-бет кездескенде академиялық ортада алған білімдері мен дағдыларын пайдалану дәрежесін – олардың қоғамдағы өз бетінше өмір сүруге дайындығын білдіреді.

PISA зерттеуі 2022 жылғы 4 сәуір мен 24 мамыр аралығында жүргізіледі.

PISA тестілеуіне  кіреді:

• Когнитивті тест (120 минут)

• Білім алушыларға арналған сауалнама (40-60 минут)

• Білім беру ұйымының әкімшілігіне арналған сауалнама (онлайн)

Білім беру ұйымдарын таңдау кезінде репрезентативті стратификацияланған іріктеу тәсілі пайдаланылады. Оқушылар кездейсоқ іріктеу арқылы зерттеуге таңдалады.

        15 жастағы жасөспірімдердің зерттеуге қатысуы көптеген елдерде оқушылардың осы жасқа дейін міндетті оқуды бітіргендігімен түсіндіріледі. Оқушылардың дамуының дәл осы кезеңінде болашақта оларға пайдалы болуы мүмкін құзыреттіліктерді анықтау маңызды.

PISA-2022 ЦИКЛІНІҢ  ЕРЕКШЕЛІКТЕРІ:

Алғашрет Армения, Монғолия және Өзбекстан қатысады

Компьютер форматындағы 3-цикл, Қазақстан үшін 2-ші рет

Өңірлер деңгейдегі репрезентативтік іріктеме

Негізгі бағыт–Математикалық сауаттылық

Инновациялық бағыт–Креативті ойлау

Сауалнамаға «Жаһандықкризис» атты жаңа модуль қосылды

PISA 2022 нәтижелері туралы халықаралық есеп ЭЫДҰ веб-сайтында 2023 жылдың желтоқсан айында шығады. Ұсыныстары бар ұлттық есеп 2024 жылы IAC веб-сайтында қолжетімді болады.