Қарашаның 11-і күні  Тәуелсіздіктің 20 жылдығы аясында «Біз таза аудан үшін!» атты сурет көрмесі ұйымдастырылды. Көрмеге 1- 9-шы сынып оқушыларының 70-тен астам түрлі техникада орындалған суреттері қойылған мектепішілік көрме ұйымдастырылды. Жас суретшілер өз туындыларында Қазақстанның табиғатын, туған жерге, елге  деген сүйіспеншілік сезімдерін, тәуелсіздіктің маңыздылығын, еліміздің жеткен жетістіктерін, тарихын, салт-дәстүр, әдет-ғұрпын көрсетуге  талпыныс білдірді.

Қарашаның 29-ы күні Қазақстан Республикасы Тәуелсіздігінің 20 жылдығы құрметіне «Әнім саған, Қазақстан!» атты патриоттық әндер фестивалі өткізілді. Фестивальда 1-11сынып оқушыларының орындауында 21 ән шырқалып, көрермендерге ерекше әсер қалдырды. Фестивальдың ажарын аша түскен ең ерекше көрініс – өзге ұлттардың қазақ тілінде еркін ән шырқауы болды.

Қарашаның 18-інде Қазақстан Республикасы Тәуелсіздігінің 20 жылдығына арналған жоспарға сәйкес «Тәуелсіз Қазақстанның жетістіктері» атты компьютерлік презентациялар байқауы өтті. Өзара сынға түскен 6-7 және 8-9 сынып оқушылары әділқазыларға 14 слайдтық жұмыстарын ұсынды. Презентациялардың мазмұны, жасалу техникасы  және тағы да басқа талаптарға сәйкес 7 «Ә» және 8 «А» сыныптары үздік деп танылды. Оқушылар өз еңбектерінде  Қазақстанның 20 жылда жеткен жетістіктері, қазақ тарихынан сыр шертетін маңызды деректер ұсынылған.