«Ауған соғысы жүректерге жара салды»

2018 жылдың 7 ақпанында үлкен залда «Ауған соғысы жүректерге жара салды»атты кездесу кеші өткізілді. Мерекенің басын Қарағанды қаласы және облысы бойынша «Ардагер» ауған соғысы ардагерлері мен мүгедектер одағының төрағасы Хасенов Талғат Болатұлы құттықтау сөзімен ашып, барлықтарын келе жатқан мерекемен құттықтады. Сонымен қатар әскери аналар кеңесінің төрайымы, «НұрОтан» партиясының мүшесі Фатеева Мария Дмитриевна да өзінің жылы лебіздерін білдірді. Аталмыш іс-шарада жауынгер-интернационалисттер, тәжік-ауған шекарасындағы іс-қимылдар ардагерлері, 52859 әскері бөлімі қатысты. Ауған соғысы ардагері Еркен Искаковтың орындауындағы «Афганистан тебя забыть бы рад...», «Первый бой», мерзімді қызметтегі жауынгерлер «Оранжевый берет», «Война», Халықаралық байқаулардың лауреаты Александра Потапкинаның «Как хочется жить…», «Мәңгілік ел» атты әндерін халық қошеметпен қарсы алды. Сонымен қатар, «Молодежный» Мәдениет Үйінің көркемөнерпаздар ұжымдары да мереке себепкерлеріне де ең үздік концерттік бағдарламаларын ұсынды.