Іс-шара тақырыбы: «Еңбек адамды көркейтеді»

         Тәрбие жұмысының күнтізбелік жоспарына сәйкес, сәуір айында негізгі құндылықтар ретінде еңбекқорлық пен кәсібилік айқындалған. «Еңбегі адал жас өрен» жобасы аясында тәрбиеші Рамазанова Сандугаш Хамитовна оқушыларға арналған танымдық кездесу ұйымдастырды.

         Іс-шара қонағы — ерлікке толы мамандық иесі, шахтёр еңбегінің ардагері, «Qaragandy Komir» ЖШС бас директорының кеңесшісі Алмас Сагинаевич болды. Ол оқушылармен өз тәжірибесімен бөлісіп, жауапкершілік, тәртіп және өз ісіне адал болудың маңыздылығы туралы айтты.

         Кездесу барысында адал еңбектің мәні, кәсіби дамуға ұмтылу және еңбектің өмірдегі жетістікке жетудегі рөліне ерекше назар аударылды. Оқушылар қонақты қызығушылықпен тыңдап, сұрақтар қойып, болашақ мамандық таңдауға қатысты құнды кеңестер алды.