«Еліміздің мақтанышы болған қайсар қыз»

2026 жылғы 3 наурыз күні № 4 мектеп-интернатында «Еңбегі адал жас өрен» жобасы аясында, 8 наурыз – Халықаралық әйелдер күні мерекесі қарсаңында, акт залында 6-9  сынып оқшылары  жиналып,құрметті қонақтармен тағылымды кездесу өткізілді.

Мектебімізге еліміздің мақтанышы, бокстан екі дүркін әлем чемпионы Аида Абикеева қонаққа келді. Сонымен қатар кездесуге оның жаттықтырушысы Берик Исламович Абдраимов қатысты..Оқушылар чемпион спортшымен жүздесуге ерекше ықыласпен дайындалып, үлкен қызығушылық танытты. Кездесу барысында қонақтар өздерінің спорттағы жолы, жетістіктері, жеңіске жету жолындағы қиындықтары мен табандылығы туралы әңгімеледі. Жаттықтырушы әрбір жетістіктің артында тынымсыз еңбек, тәртіп пен сенім жатқанын атап өтті.

Оқушылар көкейлеріндегі сұрақтарын қойып, мазмұнды жауаптар алды. Кездесу жылы әрі әсерлі атмосферада өтіп, жасөспірімдерге үлкен мотивация сыйлады.