Дүниежүзілік азаматтық қорғаныс күніне орай әскери бөлімге экскурсия

Дүниежүзілік азаматтық қорғаныс күніне арналған іс-шаралар аясында 2026 жылғы 26 ақпанда КММ «№ 4 мектеп-интернатының» 6–9 сынып оқушылары, «Жас құтқарушы» үйірмесінің мүшелері  Мартбек Мамраев атындағы   52859  ҚР ТЖМ  әскери бөліміне экскурсия жасап қайтты.

Экскурсия Бекмаганбетов Б.С. және Рамазанова С.Х. тәрбиешілерінің жетекшілігімен ұйымдастырылды.

Кездесу барысында әскери қызметшілер оқушыларға азаматтық қорғау бөлімшелеріндегі қызмет туралы, бөлімнің негізгі міндеттері мен құтқарушылар жұмысының ерекшеліктері жайында айтып берді. Оқушыларға сарбаздардың тұрмыс жағдайы көрсетіліп, олардың күнделікті өмірі мен жауынгерлік даярлығы таныстырылды. Әсіресе төтенше жағдайларды жою кезінде қолданылатын арнайы техника мен заманауи жабдықтар оқушылардың ерекше қызығушылығын тудырды. Мектеп оқушылары құтқарушылардың құрал-жабдықтарымен жақын танысып, оның мүмкіндіктері туралы мәлімет алып, өздерін қызықтырған сұрақтарға жауап алды.